Эм судлалын үйлдэл: Бэлдмэлийн найрлагад орсон:
- Чихэр өвсний ханданд агуулагдах глицирризиний хүчил цэр ховхлох, үрэвсэл намдаах,
- Тарваган шийрийн өвсний хандмалд агуулагдах цитизин ходоодны салстыг цочроож рефлексээр цэр ховхлох,
- Натрийн гидрокарбонат нь цэр шингэлэх ба цэр ховхлох үйлдэл тус тус үзүүлнэ.
Фармакокинетик:
- Глицирризиний хүчил нь гэдсэнд гидролизид ороод, элгэнд хувирдаг. Ихэнх нь цөсөөр, багахан хэсэг нь (0.31-0.67%) бөөрөөр шээстэй хамт гадагшилдаг.
- Цитизиний хагас элиминацийн хугацаа (t1/2) 4.8 цаг.
- Натрийн гидрокарбонат шээсээр ялгарна.
Хэрэглэх заалт:
- Ханиад томуу
- Гуурсан хоолойн цочмог үрэвсэл
- Гуурсан хоолойн архаг үрэвсэл
- Төвөнх ба уушгины жижиг голомтот үрэвсэл
- Уушгины хатууралт
- Уушги тэлэгдэх өвчин
- Цагаан мөгөөрсөн хоолойн цочмог үрэвсэл
Нэг шахмалд:
- Чихэр өвсний үндэс 200 мг,
- Тарваган шийрийн өвс 10 мг,
- Натрийн гидрокарбонат 60 мг тус тус агуулна.
Туслах бодисууд: Эрдэнэ шишийн цардуул, натрийн карбоксиметил цардуул, тальк.
Насанд хүрэгсэд 1 шахмалаар өдөрт 3 удаа ууна.
Гаж нөлөө: Удаан хугацаагаар хэрэглэхэд биед натри хуримтлагдах, хавагнах, дотор муухайрах, бөөлжих, хөлрөх, амьсгал бачимдах, мөн харшлын урвал илэрч болзошгүй.
Бусад эмтэй харилцан нөлөөлөл:
- Ургамлын гаралтай цэр ховхлох бусад эмтэй хавсруулан хэрэглэж болохгүй.
- Холиномиметик эмүүдтэй фармакодинамикийн харилцан нөлөөлөл үүсгэнэ.
Анхааруулга ба болгоомжлол: Хүнд явцтай зүрхний гаралтай хавангийн үед болгоомжтой хэрэглэвэл зохино.
Тун хэтрэлт:
- Шинж тэмдэг: Тун хэтэрвэл огих, бөөлжих, хөлрөх, амьсгал бачимдах, зүрхний хэм алдагдах болон таталт үүсэх зэрэг шинж тэмдэг илрэн алкалоз үүснэ.
- Авах арга хэмжээ: Уугаад удаагүй бол ходоод угаана. Таталт намдаах болон шинж тэмдгийн ба дэмжих эмчилгээ хийнэ.